نكت جنان

- مره واحده حامل ابنها الصغير بيسألها:ايه اللي في بطنك ده يا ماما قالتله :ده أخوك يا حبيبي...تاني يوم و هوه في المدرسه المدرس سأله:انت عندك اخوات؟ قاله:كان عندي واحد بس ماما أكلته.

ايه الفرق بين الاسبوع وموس الحلاقة والصحراء ..الاجابة ان الاسبوع فيه حد ، والموس فيه حدين، والصحراء ما فيهاش حد

مسطول بيسأل صاحبه فقال له تتوقع ان الجمعة يوافق آخر الشهر ؟.. فرد عليه.. وقال له: لو ضغطنا عليه يمكن يوافق.

واحد غبي راكب مع ابوه العربيه.. ابوه قاله اقفل الشباك ياولد الجو برد.. الولد قاله ياسلام عليك أما انت عليك تقاليع.. هو يعني لما اقفل الشباك الدنيا بره هتحرر؟.

قال: أقرب من الدفاية .. قالوا: ولو بردت أكتر.. قال: ألزق في الدفاية.. قالوا: طب ولو نزل تلج.. قال: أشغل الدفاية بقى وأمري لله.

مره اتنين مجانين اتفقوا انهم يهربوا من المستشفى واحد قال للتانى لو لاقينا الصور عالى نهده لو لاقيناه واطى يبقى ننط من فوقيه.. التانى قاله ماشى.. راحوا مالاقوش صور خالص قالوا يخساره المهمه فشلت.

مرة واحد غبى ماشى فى الشارع قابل قرد فمشي بيه.. قابل عسكرى مرور.. سأله أودي القرد ده فين.. العسكرى قال له.. وديه جنينة الحيوان.. تانى يوم عدى الرجل بالقرد العسكرى قال له.. مش قلتلك وديه جنينة الحيوان قال له.. ما أنا وديته امبارح النهاردة بقى هاوديه السينما.

واحد غبى جدا حكموا عليه بالاعدام.. بعد ما علقوه فى المشنقه قعد يشاور ويخبط بأيده ورجليه ففكروه عاوز يقول حاجه مهمة.. ففكوه ونزلوه بسرعة.... فبص لهم وقال: ياجزم كنت هتخنق.

في واحد حرامى والتانى ندل.. فالندل بيقول للحرامى علمنى السرقة.. فسرق محفظة واحد.. وقال له.. أهو علمنى انت بأة الندالة.. راح مسكوا وقال حرامى

مرة واحد مجنون كان بيكتب جواب فدخل الدكتور عليه قاله بتعمل ايه.. قاله بكتب جواب لنفسي فقاله الدكتور.. بتكتب فيه ايه فرد عليه المجنون وقال.. يامجنون هو لسة جالي عشان اعرف.

مرة واحد أحول عنده حمامة حولة حب يدخلها القفص.. حطها برة القفص.. وجت تهرب راحت داخلة جوة القفص.

غبي دفن نصه فى الارض عشان يصور كليب انا عايش ومش عايش

اية الحلاوة دى
شوية نكنت جمال جدا
ايوة كدة عايزين نشاط مش كسل بجد حلوين قوى ربن معاكى

جميل جدا

حلوااااااااااااااااااااااااااااااااااا

حلوين اوووووووووووووى ميرسى على تعب محبتك

ههههههههههههههههههه جمال جدااااااااااااااااااااا