الكينج كينج والأوباما أوباما

خاص صوت المسيحى الحر



الكينج كينج والأوباما أوباما

" لا يستطيع أحد ركوب ظهرك إلا إذا انحنيت" دي كلمة الكينج التاريخية , أصغر واحد خد نوبل للسلام نعم سيدي السلام لروحك الطاهرة الخالدة التي عرفت وذاقت معنى الحرية وستظل كلماتك ترن في الآذان وتثبت في الأذهان لأنك بالحق كان لقبك كينج وأنت الكينج عارفين مين هو الكينج ؟؟؟ هوالبطل مارتن لوثر كينج القس القديس الذي جاهد الجهاد الحسن بدون عنف ولاسفك دم كسيده الذي دعا للسلام وبحق هو ملك السلام يسوع , لما شاف الطفل مارتن زمياله في المدرسة بيحتقروه عشان هو اسود وهما البيض , وكان أجداده زمان يتباعوا عندهم عبيد , بكى الطفل والدموع الطاهرة في عينيه سالت وسأل مامته بيعملوا معانا كدا ليه ؟؟؟ وحلف بأغلى ما عنديه أنه يجى الوقت اللي يتساوى فيه قدام القانون الخدام بالبيه , ولما كبر شوية شاف قلة أدب السواقين والحلنجية لما كانوا يأمروا السود أنهم يدفعوا الأجرة عند السواق قدام , وعشان سود لازم يرجعوا في الكراسي الخلفية ويفضوها للبيض قوام .
وكان بعض السواقين السوقة والأندال لما تنزل الست الكبيرة عشان ترجع ورا مهانة كانوا يمشوا بالأتوبيس ويسيبوهم في الطريق للواطى والخسيس , وكانت البداية قال الكينج : دا كلام ما ينفعش ورخيص قاطعوا شركة الأتوبيس , وفعلاً خسروهم دم قلبهم عشان غالبية الركاب كانت منهم , وكانت الأوضاع زى البومة بتنعق برد فعل عنيف فيه تنفجر أنهار الدماء بشكل مخيف لولا مارتن لوثر كينج اختار للمقاومة طريقا آخر غير الدم وكان راجل شريف , فنادى بمقاومة تعتمد مبدأ "اللا عنف" أو "المقاومة السلمية" على طريقة المناضل الهنديمهاتما غاندي , وزى ما عملوا الأبطال الأقباط قدام ماسبيرو وأداسوا بالمدرعات وهما بيقولوا سلمية سلمية , مع أنهم أسياد ولونهم أبيض وأصحاب حق وأرض ووطن وهم أشرف العباد , وعشان ما انساش الكينج جه واحد متطرف أبيض وكان الملك رايح يقود مظاهرة شريفة قام الندل المأجور جيمس إرل لافاه عيار وطخه وجاب أجله ولقي البطل حتفة وقابل ربه اللى كان بيخدمه بفرح وهو لسه في عز شبابه .

لكن الفرق بين هناك وهنا أن الجيمس دا أخد تأبيدة مدى الحياة مدتها تسع وتسعين سنة , مش زى عندنا روح واستخبى من هنا , ما إحنا اللي باعتينك وأنت لينا ومننا , وكان بيحلم باليوم اللي يجى فيه لأمريكا من أصول أفريقيا رئيس , وقالوا أتحقق الحلم لما جه باراك أوباما رئيس وهو من نفس الأصول الأفريقية من اصل الكينج اللي طول عمره ما كان خسيس ولا نجيس , ومن أول يوم ليك في البيت الأبيض وكان الشعب مش واخد باله وبهينيك قلت بس هو دا اللي هيتحقق حلم الحرية وتبطل كلمة أقلية على إيديه , لكن مش عارف ليه قلبي كان مش فرحان ومقبوض حتى لو الناس اتلمت بالآلاف حواليك , لكن فرحنا عشان أتحقق الحلم ودا كان حلم حلمه الرائع الملاك مارتن لوثر كينج وبيه أنت وصلت وبقيت الكنج لكن اللي يبشوفك مستر أوباما وأنت بتضرب الباب برجلك في ضيق ياما , يقول طيب ريس وبقيت ولأعظم دولة والناس وهيلارى حواليك , طيب ذنب الباب إيه وأنت متعصب كدا ليه ؟؟؟ تخلى العيال تنقله من على اليوتيوب وتبقى فرجة يا خال

كنت تقولنا إيه اللي مزعلك و يمكن تكون لسه حلمك ناقص , ما أطنش أنا بقول أنت قبل ما تخبط الباب برجلك مافكرتش ولا حسبتها كويس يا ريس , لما نشوفك كدا ونشوف لوثر تبقى الحسرة من نصيبنا وخيبة الأمل تصيبنا وياريت تيجى على الباب بس , دا أنت سيادتك جاى هنا عشان تخربها لما لقيت الثورة قامت وكنت من قرب بتتابع زى ما قالت الأخبار استكترت على شعب غلبان بقاله من الظلم زمان , ومع أنك مجرب الظلم ومرارته وقسوته لكن ماهنش عليك الحلم يكبر وفرحة الشعب المصري تكمل , وشغال ومعاك السيدة هيلارى عال العال , وهتضيعوا حلم المسن والشاب وحتى العيال مع أنك ريس لبلد تفهم الديمقراطية كويس , ولا هو كلام وكله بيتفرج وعلينا بيهيس , لكن أحب أقولك كلمة وللي جاى من بعدك وأفهمها سيادتك كويس , إحنا الفراعين الأحرار لا شعب زيهم على الأرض , وطول عمرهم وسط الفاسدين بأقل القليل عايشين , وطردوا فرنسيين وبعدهم إنجليز ولا احتلال ينفع معاهم ولا إغراء بالمال .

يعنى ومن الأخر شعب لحمه مر وبيفكر ومهما كان جاهل ولا العيبة من قدامه تمر , وأن كان ليك تحالفات مع أعدائنا واللي بيسموها أشقاء وأخوات , نحب نقول للجميع أبوكم السقا مات وإحنا طول عمرنا لوحدنا زى ما قالت الست " وقف الخلق ينظرون جميعاكيفأبنى قواعد المجد وحديوبناة الأهرام في سالف الدهر كفوني الكلام عند التحدي أنا تاج العلاء في مفرق الشرق و دراته فرائد " ولو مش فاهم خلى حد يترجم لك , ما هنش عليكم أنها تنجح وفى طريق الحرية تفلح وأحب أقولك فينك أنت يا غلبان من الكينج اللي عشان اللي زيك ياما ناضل وحياته راحت في سبيل القضية دية وكان بيحلم بمجتمع فيه المواطنة والديمقراطية , السلام لروحك الطاهرة يا كينج واللعنة على من يفسد جهادك المقدس جناب القس والمناضل والناشط السلمي , غيرك أخدها بالساهل وعامل ناسي لكن بنقوله وبنحذره مصر لو سقطت هتخلى العالم كله مش بس المتحدة ولا اللي أتفك وكان أتحاد يبص من حوله .
السيناريست جرجس ثروت