كورس لزياده الوزن

لاصحاب الاجسام النحيفه
كورس هايل للى جسمه نحيف وعاوز يزيد
قديعانى الشخص النحيف من نقص فى الطاقة، ويكون فى بعض الأحيان بسبب عدم تناول القدر الكافى من الطعام .. أو أنه لايتناول القدر الكافى من السعرات الحرارية او بسبب مرض ما أو التعرض لضغوط النفسيه او لعوامل متصلة بالتمثيل الغذائى
وبالنسبة لكلتى الانواع الأشخاص التى تعانى من نقص الوزن سواء لعدم تناول القر الكافى من الطعام الصحى المتوازن أو بسبب مرض ما، اوضغوط نفسيه فسوف نتناول كلا على حده للوصول إلى الوزن الطبيعى
اولا
الاسباب الشائعه وهى
نقص التغزيه
يوجد فكر خاطئ عند البعض
وهو كلما كانت كميه الاكل كبيره كانت اكثر افاده
للجسم
وهذا تفكير شبه خاطئ
لان علميا الجسم يستفيد اكثر
عند تقسيم الاكل الى عده وجبات على مدار اليوم
وليس بكميه الاكل
مثال
لو واحد بياكل 3 وجبات فى اليوم
كل وجبه تتكون من كميه معينه من الاكل
الفائده الغذائيه للوجبه لا تكون بزياده الوجبه
ولاكن الاكثار من عدد الوجبات فى اليوم
يعنى لما اجى اكل مش لازم اكل كميه كبيره من الاكل
قسم الوجبات فى اليوم على 4 الى 6 وجبات
يكميات مناسبه
زياده عدد الوجبات فلى اليوم تفيد الجسم اكثر من زياده
كميه الاكل فى الوجبه الواحده
عدم شرب الماء فى وسط الاكل
يعنى الى بيشرب ماءكثيره وسط الاكل
يحاول بقدر الامكان يخف منها
لانها تسرع من الاحساس بالشبع
اما بالنسبه للاكل
مش هانعتمد على اكل محدد
بس يكون الاكل متكامل
يعنى يكون فيه
البروتين
والفيتامينات
والكاربهيدريت
السعرات الحرارية
و المعادن
بالنسبه للكورس هيكون
الوجبه الاولى
كوب لبن+ 2 بيضه مسلوقه + فواكه تفاح او موز
الوجبه الثانيه
طبق عسل نحل صغير + رغيف عيش + كوب عصير
الوجبه الثالثه
طبق رز او مكرونه +طبق خضار + رغيف عيش + لحوم او فراخ او سمك
الوجبه الرابعه
طبق فول + رغيف عيش + طبق سلطه +3 بيضات
الوجبه الخامسه
طبق رز او مكرونه + لحوم او فراخ + طبق سلطه
الوجيه السادسه
طبق مربه صغير + رغيف عيش + سلطه فواكه + 2 زبادى
سوف نتناول فى الموضيع القادمه
باقى اسباب النحافه

مممتااااااااااااااااز يا كابتن مينا

بس من خلال خبرتى فى اللعبه دة محدش هيصبر لحد ما يزيد طبيعى من خلال الاكل بس
لازم يكون فى كورس مكملات على الاقل
وفى ناس بتبدء بمنشطات كمان

مع تحفظى على الناس دى لان المفروض محدش يبدء بشكل دة لانه زى الى بدء من اخر الطريق

لان بعد فترة جسمه هيحس انه وقف خالص مش هيستجيب بعد كدا

وافضل بداية للاعب فى كمال الاجسام البدايه الطبيعيه زى ما انت كاتب لكن مين يفهم يا كايتن

الكل عاوز يبقى بطل العالم من اول يوم تقلش داخل يتنفخ بكمبرسو هوا هههههههههههههههههههههه


تحياتى ليك يا كابتن

هههههههههههههههههههههههههه
شكرا لك يا كابتن و فعلا انت عندك حق انا بشوف اكتر من كده فى الصاله
كل اللى بيروح الصاله فاكر انه هايلعب شهرين تلاته ويبقى رونى كولمان ههههههههههههههههه
وكمان بيحاول يوصل لاسرع النتايج بسرعه حتى لو على حساب حياته وصحته
للاسف دلوقى بقت رياضه كمال الاجسام لا تمد الرياضه بصله بقت تجاره اجسام ازاى تخلى جسمك يتنفخ بسرعه فى اقرب وقت
وكمان اللاعبين بيتسابقوا على ده
اما بخصوص المكملات
انتا عارف ان المكملات الغذائيه فى مصر اسعرها مرتفعه جدا وخوصوصا الاصليه منها
ولو انا حطيت مكملات فى النظام الغذائى انا كده بحط عقبه قدام الانسان اللى عاوز يزيد بسبب اسعرها المرتفعه بجانب المصاريف اللى بيصرفها على الاكل
علشان كده انا اتجنبتها فى هذا الكورس
بس طبعا المكملات الغذائيه مهمه وهاتفيد الجسم
شكرا لك كابتن مجدى الرب يبارك حياتك

ياراجل دة رونى كولمان بيكون تلميذ بعد التلات شهور
اما بقى موضوع الناس الى عاوزة كل حاجه بسرعه انا باعنى منه اشد معاناه
وتلاقى الواحد داخل الجيم ومعاه كام حقنه عايز اخد دول ياعم طاب اللعب الاول
وبعدين فكر تاخد اية

دانا بتمر عليا حاجات تخلينى هتجن وخصوصا هنا الوجه البحرى يمكن فى الصعيد عندكم مفيش اوى اهتمام بالمنشطات وهما
الى بياخدو اخرهم المكملات بس


لكن هنا ممكن مع اول يوم يقلك عاوز اخد منشطات
اما بقى موضوع الاسعار فحدث ولا حرج اسعار فوق الخيال انا اخدت فترة بجيب كميات كبيرة عندى خصوصا ان الناس عندنا هنا مبترتحش غير لما بتاخد المكملات
لكن نصيحه لو اخدت اى حاجه خليك فى المستورد مهما كان غالى
لان المصرى بيكون فلوس فى الهواء ولا ليه اى قيمه
وعن تجربه

شكرا كابتن مجدى على النصيحه وانا فعلا جربت المكملات المصرى و المستورد
و طبعا لقيت فرق بنهم لا يقارن
و نتمنى نشوفك فى المنتدى على طول
ونستفاد من خبرتك
الرب يبارك حياتك