مالك ياحبيبي شايل هموم الدنيا ليه

مالك ياحبيبي شايل هموم الدنيا ليه

يابنى .... انا معاك النهارده وبكره و وسط كل الناس ومن غير الناس وحتى فى الفشل مش هاسيبك.

يارب انا مش نافع فى حاجه حتى كلامك ماعدش بيأثر فيا!!

...حبيبى انا برضو هفضل معاك حتى لو انت مش حاسس .. او مش فاهم .. او مش شايف.. لانى بحبك.

يارب.. بتحبنى على ايه ؟!! مافيش فيا حاجه صح.. كله غلط...

يابنى انا بحبك لانك ابنى.. انا عارف انك ضعيف وتعبان.. وانا بتاع التعبانين .. انا بتاع الضعفاء.. صدقنى حلك عندى .

يارب انا مش قادر اصلى .. مش عارف .. انا مش نافع فى حاجه

ياحبيبى كفايه انك بتفكر فيا.. عاوزنى بتطلبنى حتى فى قلبك.. انا عارف ايه اللى فى قلبك .

يارب انا مش شايف حاجه بتتغير .. كله من سيئ لاسوء.. كله ضلمه .. كله غلط

والضيقات يارب كترت اوي.

ياحبيبىانت مش شايف حاجه..من الحزن والكأبه ..انت مش شايف انى انا بحبك..

ومش شايفانى انا اقدر على كل حاجه.. ومش شايف انى عارف بعمل ايه..انت بس مستعجلشويه .

يارب انت كمان بالك طويل اوى وانا تعبان .

يابنى كل حاجه ليها وقتها .. صدقنى..وكله فى الاخر ليك مش عليك.. بس انت بلاش تيأس.

يعنى لسه فى امل يارب ؟؟؟؟

ياحبيبى الامل عمره مابيروح بس ماتنساش صليبى.. وصليبك... وابديتك.. وحاول تانى وانا معاك .

أنا هو هو الأمس و اليوم و إلى الأبد.

حوار جميل جدا مع الله
تسلم ايدك مشرفتنا الغاليه

..حبيبى انا برضو هفضل معاك حتى لو انت مش حاسس .. او مش فاهم .. او مش شايف.. لانى بحبك.

كلمات تصل الى القلوب
الرب معاكى ويبارك حياتك