بماذا تحلم فى العام الجديد

احبائى واخوتى اعضاء المنتدى
سلام المسيح
ساعات قليلة ونبدا عام جديد
ونطوى سنة مليئة بالذكريات منها السعيد والمفرح ومنها الاليم والحزين
ساعات قليلة وفيها نكون عبرنا معا سنة جديدة باحلام جديدة تاركين خلفا سنة بكل مافيها
اخوتى الاحباء
بماذا تحلم فى هذة السنة
شارك حلمك معنا واكتب من كل قلبك على احلامك فى السنة الجديدة
وممكن كمان تكتب
اية اكبر حاجة فرحة قلبك فى السنة الماضية وتتمنى انها تتكرر فى السنة المقبلة
وممكن لو حبيتوا تتكلموا عن زكرياتكم المحزنة
لو كل واحد شارك بجملة صغيرة
هاتلاقوا الموضوع دة عجبكم
وانا هابتدى بنفسى
ويارب تكون سنة سعيدة على كل المسيحيين
والرب معكم

انا هانبدا وياريت انتوا كمان ماحدش يبخل ويكتب كل الى فى قلبة
انا :- مدحت ممدوح جريس
السنة الماضية :- تعتبر اسوء سنين عمرى وفيها رحيل ابى الى ديارة السماوية وهى سنة اليمة جدا بالنسبة لى
وسنة لا تنسى بعمرى كلة
السنة الماضية :- مؤلمة لى جدا وفيها شاهدت الكثير من الالم فى مذبحة نجع حمادى وكنيسة العمرانية وفى حياتى الشخصية رحيل الاحباء والاصدقاء المقربين عنى منهم الى ديارة السماوية ومنهم هاجر الى امريكا
اما بالنسبة للفرح فيها
فارض الغربة كلها شقاء وتعب ولكن نجاح خدمتى ونجاح المنتدى وانتشارة فى كل البلاد وهو ما اضاف بعض البسمة فى حياتى
الذى اتمناة ان يتحقق
اتمنى ان يجرى العدل بين الشعوب وان تعيش الناس فى سلام وخصوصا اهلنا من شعب العراق وفلسطين
وان يجرى العدل فى ارض مصر واتمنى نبذ العنف والتعصب فى كل بلاد العالم وتحقيق السلام
واتمنى ايضا ان ينتشر المنتدى وان يجعلة الرب شمعة مضيئة على جبل عالى حتى يراها كل الناس
واخيرا
اتمنى سنة سعيدة لكل احبائى واخوتى فى المنتدى او فى الجروب على الفيس بوك
وسنة سعيدة مع الرب يسوع
والرب معكم

سلام المسيح الذى خلصنا على عود الصليب
انا اخوكم رومانى ابو ناردين
السنه الماضيه كانت كلها اوجاع ومتاعب كثيره منها قتل المسيحين ومنها حمايه الحكومه
للقتله الحقيقين واخرها ما جرى فى الاسكندريه
اما احلى حاجه بالنسبالى انى تعرفت على المنتدى المتواضع الملىء
بالمحبه والفرح والبهجه منتدانا قلب يسوع
اما عن السنه القادمه فنحن بداناها بدماء شهداء الاسكندريه
فالرب المعين واطلب من الله ان يعزى اهل الشهداء
ويعطيهم الصبر لرحيل ابنائهم

امين اخى الحبيب الرب يعزى اهالى شهداء اسكندرية
ويعطينا حكمة فى التعامل مع هذة الامور
والرب قادر ان يخلصنا جميعا لانة ليس باحد غيرة الخلاص
مرسى ابو ناردين لمرورك وتعليقك ومشاركتك فى الموضوع والرب يبارك حياتك