ارحمنى منك يازمانى

باسم الرب يسوع
ارحمنى منك يا زمانى وانسانى واشطب عنوانى . حياتى مره رضيت بيها وجروحى منك بداويها وشوفلى غيرها جروح تانى ؟
سكه عزاب من اولها نهارها نار ومرار ليلها . لوحدى فيها سنين ماشى ومهما يجرا بقول ماشى وهمومى صابر وشايلها ؟
على العزاب انا متعود والفرح بيشونى يحاود. مرار جروح كل شويه ليه يا نصيب تقسى عليا وتجيبلى من الحزن تزود ؟
الناس واهلى وايامى سبب جروح والامى . فى كل سكه بمشيها الغدارين وقفين فيها و هموم ورايا وقدامى ؟
معرفش ايه اللى جرالى البخت ده ماله ومالى . يوعدنى يجى يفرحنى يجى بقى ويجرحنى ومصعبش مره عليه حالى ؟
الضحكه غابت من عينى والصبر مش بينسينى .والصبر سابنى وراح منى وماليش حبيب يسال عنى اشكيله همى ويشكيلى؟
الدنيا ليه قاسيه علينا فى الحزن ليه بتودينا .لجروح سقاها بالمر عزاب وقلبوبنا دابت من الاحباب والنار تمللى تغطينا .
وارحمنى منك ارحمنى منك يا زمانى ؟
ارحمنا يارب برحمتك من الدنيا والزمن والايام

بصراحه انتا شاعر بل اكثر من شاعر
فعلان كلام جميل جدا والى المزيد
والرب يعوض تعب محبتك

اشكرك يا اخ ابو ناردين مرورك وشعورك الجميله ربنا يعوض تعب محبتك