حوار مع الله

يارب :انا خايف اوى اوى ...... تعبان اوى اوى اوى
حبيبى : لية تخاف انا معاك صدقنى
يارب : انا خايف من نفسى .. من الناس .. من بكرة .. من الفشل .. من كل حاجة
يا ابنى : انا معاك انهاردة وبكرة ووسط الناس ومن غير الناس وحتى فى الفشل مش هاسيبك
يارب : انا مش نافع فى حاجة حتى كلامك ماعدش بياثر فيا
حبيبى : انا برضة معاك حتى لو انت مش حاسس بيا او مش فاهم او مش شايف لانى بحبك
يارب : بتحبنى على اية مافيش فيا حاجة صح كلة غلط
يا ابنى : انا بحبك لانك ابنى انا عارف انك ضعيف وتعبان وانا بتاع التعابنين ...انا بتاع الضعفاء صدقنى حالك عندى
يارب : انا مش قادر اصلى ... مش عارف .. مش عاوز انا مش نافع فى حاجة
حبيبى : كفاية انك لسة بتفكر فيا وعاوزنى .. بتطلبنى حتى فى قلبك .. انا عارف اللى فى قلبك
يارب : مش شايف حاجة بتتغير من سئ لاسو ء .. كلة ظلمة .. كلة غلط
ياحبيبى : انت مش شايف حاجة من الحزن والكابة .. انت مش شايف لانى بحبك .. ومش شايف انى اقدر على كل حاجة انا عارف بعمل اية انت بس مستعجل شويتين
يارب : انت كمان بالك طويل اوى وانا تعبان اوى
يا ابنى : كل حاجة ليها وقتها صدقنى كلة فى الاخر ليك مش عليك ماتيأسش
يارب : يعنى لسة فى امل
يا حبيبى : الامل عمرة ما يروح بس ماتنساش صليبك وابديتك وحاول تانى وانا معك ..... هو دا بالظبط اللى ربنا بيعملوا معنا انا معك طول الايام والى الاخر الايام

اخى الحبيب حوار ممتاز وفعلا كلمات رائعة وحقا دائما يخاطبنا اللة هكذا
ونتعلم منة ان الرب قريب جدا جدا لنا
موضوع غاية فى الروعة

شكرا ليك وربنا يعطينا النعمه لنكون بين زراعيه

بصراحة ربنا
يوفقك ويجيبك لينا بالسلامة امين يارب ويبعد عنك اولاد الحرام

شكرا ليك اخى العزيز كيرلس ناجح وبشكرك على مرورك