علمنى كيف اصلى

نقلا عن الاخت المباركة حنان فوزى
بارك الرب حياتها ونصلى ليعطيها الرب الوقت الكافى لتشاركنا بمواضيعها المميزة

ربى و حبيبى يسوع المسيح مخلصى الصالح أشكرك من أجل أحضانك المفتوحة دايما تدعو كل نفس
لتحضتنها و تقدم لها كل الحب و الحنان والعزاء الذى نحتاج إليه جميعا

من سواك يا يسوع يحنو علينا و يرفعنا من وسط الضيق و الضعف؟

من سواك يقدر بكلمة واحدة أن يبرأ الداء؟؟

من سواك يشبع النفس المحتاجة؟؟

من سواك له السلطان؟؟

أنت يا ضابط الكل محتاجين لك تضبط حواسنا & ألسنتنا & أفكارنا و كل أمور حياتنا

تعالى يا يسوع الأن و طهر نفوسنا من كل خطية

تعالى سود علينا من تانى عشان نثمر ثلاثين و ستين و مائة

بنصرخ أمامك شبعت نفوسنا هوانا و ذل من عبودية إبليس

يا رب بنعتذر و طالبين سلطانك أنت بس عشان أنت خالقنا و ملكنا

بنعتذر عشان احنا اللى فتحنا الباب للأهواء و الأفكار التى لا ترضى صلاحك

فتحنا الباب لهواجس إبليس و معقولاته الشريرة للأسف قدر يقنعنا أنه كل شبعنا و فرحنا فى العالم و فى ملذاته المهلكة

اعطنا الخطية مكانا حتى سادت على نفوسنا و لم يعد لك مكانا فى عرش قلوبنا

جايين نحتمى فى حضنك و نتطهر بدمك المسفوك على الصليب و نطلب سلطانك من جديد على كل حياتنا و على كل تفاصيلها

محدش غيرك يا يسوع بيحبنا محدش غيرك بيقبلنا بكل عيوبنا

بنشكرك من عمق القلب لأنك تعظم الصنيع معنا

نشكرك لآن وعودك ثابتة لا تزول

نشكرك لأنك تبحث عنا و لا تطمئن إلا إذا عدنا إلى حضنك من تانى

انت ابونا الحنين و اللى يدوقك هيعرف انه مفيش أحن منك

يا رب احنا اغبياء عشان بنسيب الأب الطيب و نلجأ للإنسان الضعيف نعتمد عليه لكنه للأسف تخرج روحه فيعود إلى ترابه

ياما يا يسوع تسولنا للناس طالبين حب و حنان طالبين إهتمام طالبين نصيحة لكن للأسف بنخذل

بنسيب السخى فى العطاء و نلجأ للإنسان اللى مش عنده أى إمكانية

خلينا يا رب نرجع تانى توبنا إليك فنتوب صحح مفاهيمنا و أوقظنا قبل ما تفوت الفرصة و نندم

تعقلوا و أصحوا للصلوات

علمنا كيف نصلى من أجل أرواحنا من أجل النمو فى القامة الروحية و خلينا ننسى إهتمامات الجسد و عولان الهم و الخوف من المستقبل لآنك انت مدبر صالح لكل ذى جسد انت قلت لا تهتموا بما تأكلون و تشربون و لا تلبسون لآنك تهتم بالعصفور فكيف لا تهتم بنا نحن المخلوقين على صورتك و مثالك

فى اسمك القدوس نطلب من أجل كل مريض يا رب تحنن و أشفه

كل محتاج سدد إحتياجاته أكثر مما يطلب أو يفتكر

كل غريب اسنده و عضده فى غربته

فك قيود المسجونين و انصف كل مظلوم

كل يتيم أحتضنه بحنانك و حبك و عوضه يا حنون

فى أحضان القديسين كل الراقدين نيح نفوسهم

أحفظ لنا حياة البابا شنودة و كل الأساقفة و الكهنة و الشمامسة و كل الذين لهم تعب فى خدمة نفوسك حافظين لنا كنيسة قوية فى الإيمان

اما نحن الخطاة نسألك ان تعطنا أن نهتم بما هو باقى لأن الأشياء التى ترى وقتية أما التى لا ترى فهى أبدية

و احتياجاتنا الجسدية بين يديك أنت لامسها و عارفها و واثقين كل الثقة انك تسددها دون أن نطلب لآنك إله حنان و عندك الحكمة

اسمع اصواتنا جميعا يا ابانا و بارك دخولنا و خروجنا و بيوتنا و أسرنا و عملنا

اعطنا فهم و قدرة لنهرب إلى التمام من كل فكر و امر لا يرضى صلاحك

لك كل المجد و الكرامة من الأن و إلى الأبد أمين

امين يا رب
وربنا يباركك انت والاخت حنان

علمنى يارب كيف اصلى علمنى كيف استطيع ان ارتوى منك واشرب من ينبوعك
علمنى يارب كيف اكون مسيح صغير واعيش بيك وليك
علمنى دوما ان اكون طفل لانة مكتوب الاطفال يرثون ملكوتك
علمنى كيف اكون شمعة لكى اضيئ طريق الاخرين والمبعدين
علمنى يارب كيف اختبر كل كلمة من كلامك واعيشها واعمل بها
علمنى يارب فانى احتاج الى تعليمك ومكتوب عنك انك انت اعظم معلم
علمنى يارب

موحاة من عنوان اختى حنان

يااااااااااااه
جميل جدا
طلب تعليم الصلاه
كلنا بنقول يا رب ويارب من غير منقول ضمنا ليك وعلمنا طرق الخلاص يا رب
ونجينا من كل التجارب وكل مامرات العدو يا رب باركنا يارب سامحنا واقبل صلاتنا
وعلمنا يا رب كيف نصلى

مرسى ياشنودة على الاضافة الحلوة دى

امين يا رب وربنا يباركك ياستاذ مدحت واختي حنان وربنا يديني اني اعرف اتكلم مع ربنا اتعلم اتمتع بيك و بالحياه الهاديه معاك بجدانا مشكلتي مش بعرف اتكلم معاك بس واثقه انك حتعلمني كل حاجه ياحبيبي يا يسوع

اختى الحبيبة بنت الملك سلام المسيح
مرسى على التشجيع والكلام الحلو دة
وانتظرى الفترة القادة موضوعات جديدة عن صرخة الا حتياج والنار فى المسيحية
واتمنى امن الرب ان يكونوا على مستوى عالى من الموضوعات الهادفة
والرب يملئ حياتك بالروح القدس
ويكون معكى

علمنى يارب احبك ويمتلى قلبى بحبك
علمنى يارب اصلى وارفع عنيا اليك
علمنى يارب لانى احتاج الى تعليمك
علمنى يارب ان اكون مطيعه اليك
علمنى يارب كى امشى فى طريقك طريق النجاه
علمنى يارب التسامح مع الاخرين
موضوع غايه فى الروعه ربنا يبارك حياتك وللمزيد دايما

مرسى جيجى على الاضافة الرائعة دى
وبجد انا شخصيا اعتبرها تكملة للموضوع
بارك الرب حياتك

امين فى كل كلمة فى كل حرف يسوع يبارك وبيسمع ويقدر يقدس ويسهل لينا طريق خلاصنا ويثبت خطوتنا اليه ويكون راعينا يرعانا ويحمينا حتى من ذاتنا امين ياحنون استجيب اعنا وساعدنا واجذبنا ليك
وتكون انت الصديق الالصق من الاخ .

الرب يبارككم ويعطيكم سؤل قلوبكم اخواتى فى المسيح ويمنحكم كل نعمة وحب من غناه ... امين

الغالي مدحت
أعتذر عن التأخر بالمشاركة في موضوعك الرائع حقيقي موضوع روعة ومعظم البشر تحتاج لان تتعلم كيف تصلي وتطلب الرحمة والمغفرة من ربنا ومخلصنا
عتبك وسام محبة أضعه في قلبي

ربي يبارك حياتك ويديك الصحة والعافية


اخوك كيفورك

مرسى ليك كيفورك
على كلامك الجميل دة وربنا يبارك حياتك وكتاباتك ايضا