20 نصيحة من خالد سعيد لمتظاهرى التحرير

كتبت- ناهد إمام:
الثلاثاء , 27 نوفمير 2012 11:28
استهلت صفحة "خالد سعيد" اليوم،
الثلاثاء، بسلسلة من النصائح المرشدة للمتظاهرين فى ميدان التحرير، شكرت فى
آخرها من ساهموا في "مبادرة أوّل مرّة تحرير"، على حد تعبيرها، وهم من
استقت منهم الصفحة سلسلة النصائح، التالية:
وانت نازل ميدان التحرير النهاردة،
وانتي نازلة ميدان التحرير النهاردة، مهم نعرف موقفنا من اﻹعلان الدستوري
الذي أصدره الرئيس ومهم كمان نفتكر الآتي:
-متشيلشي غير علم مصر.. لا أعلام أحزاب ولا حركات..
-اوعى تتكسف تهتف، لازم تهتف.. إنت بتهتف من أجل الوطن مش من أجل حد.
-هتلاقي ناس بتحاول تستفزّك وتسألك إنت صوتّ لمين؟ اعمل نفسك مش سامع وكمّل وسيبك منهم.
-متدخلشي الميدان بإيديك فاضية، خد حاجة واحدة معاك للمستشفى الميداني وسلّمها بنفسك -ولو حتي عصير-.
-كل بنت في الميدان أختكم واللي يحاول يتحرش بيها حتى بكلمة توقفوّه، خلّوا المتحرش هو اللي مرعوب من وجوده وسطكم.
-أغلب الناس في التحرير في الشارع بقالهم سنتين وضد الديكتاتورية والظلم، إنزل انت كمان ضد الديكتاتورية وبسّ.
-الناس في التحرير كانوا على طول مُبتسمين، خلّى الابتسامة متفارقشي وشّك مهما حصل.
-اعرف أن الميدان مش حكر على حد، وانّك مواطن مصرى نازل تعبّر عن مطالبك سواء أوّل مرة أو المليون.
-متعتمدشي على الاتصال سواء بالموبايل أو الانترنت لأن الشبكة مع تجمهر الناس بتضعف، الأفضل أنه يكون فيه نقط للالتقاء متفّق عليها.
-هتشوف مصر اللى نفسك تعيش فيها ومفيش فرق بين مواطن وأخوه أو أخته.
-متسألشي مين مع مين، كلنا مع أهداف ثورتنا: عيش.. حريّة.. عدالة اجتماعيّة.. كرامة إنسانيّة..
-متزعلشيّ انت جيت فى الوقت المناسب 20 نصيحة من خالد سعيد لمتظاهرى التحرير Smile

20 نصيحة من خالد سعيد لمتظاهرى التحرير Smile

-هتلاقى واحد أول مرة تشوفه فى حياتك هيخاف عليك أكتر من نفسك.
-لو حد سألك انت تبع مين؟! قوله أنا تبع مصر. ونازل ليه؟ نازل علشان حرية مصر وناسها.
-انت نازل لمصر مهما كان صوتك اللى كان في الانتخابات، انت نازل علشان نوقف إعلان غير دستوري.
-خليك دايما في مجموعة ومتمشيش لوحدك في الشوارع الجانبية.
-شكرا لّلي ساهموا في مبادرة أوّل مرّة تحرير، منهم استقينا بعض النصائح-
مطالبنا وموقفنا من اﻹعلان الدستوري الذي أصدره الرئيس:
- مع إقالة النائب العام ونرفض أن يتم تعيينه من رئيس الجمهوريّة.
- مع إعادة المحاكمات بما فيها جرائم فضّ اعتصام يوليو ومسرح البالون وماسبيرو ومحمد محمود وبورسعيد ومجلس الوزراء.
- نرفض تحصين قرارات الرئيس السابقة والقادمة
والإعلانات الصادرة
منه.
- نرفض رفضا قاطعا إلغاء سلطة القضاء في وقف كل القضايا المنظورة في هذا الخصوص.
- نرفض رفضا قاطعا تحصين تأسيسية الدستور التي انسحب منها الغالبيّة.
- نرفض عودة مجلس الشعب.
- نرفض المادة السادسة في الإعلان الدستوري التي هي بمثابة أحكام عرفيّة لكل متظاهر أو مُضرب عن العمل.
- نتساءل عن مطلب تطهير وهيكلة وزارة الداخليّة وإقالة الوزير الحالي ومحاسبته وجميع القيادات الفاسدة.

اقرأ المقال الأصلي علي بوابة الوفد الاليكترونية الوفد - 20 نصيحة من خالد سعيد لمتظاهرى

» انضمام مسيرة "ألتراس" لمتظاهرى التحرير
» والدة خالد سعيد مش همشى غير لما يلغى الإعلان ويجيب حق الشهداء
» حجز طعن المتهمين بقتل "خالد سعيد " لـ20 ديسمبر المقبل للحكم
» تعليق صفحة كلنا خالد سعيد عن ما يقال بأن الحاضرين للميدان فلول
» شقيقة خالد سعيد: الإخوان يستغلون اسم أخي.. ومرسي يتحدث عن مصلحة جماعته