عطشان( وفين المية )

العطشان


عطش الحبيب فوق الصليب


مستني يا مين يرويه!


خلق للكون مَيَّه، شكِّلها فوق


الجَلَد ومن تحتيه!


مروي العطاشى طلب مَيَّه


قطرات، يا مين يدِّيه!


وعِطش المسيح!!
-----------------------------------------



على بير يعقوب جلس الحبيب


والشمس ضهرية!


مستني تيجي البِنيَّة، يرويها،


من مَيَّه إلهية!


وداست رجله الكريمة على


أرض مدهونة بخطية!


وعطش المسيح!!
-----------------------------------------



سامرية جاية عشان تملا


جرتها بالـمَيَّه!


عطشانة عطشانة عطشانة


طالبة غفران وحِنيَّة!


مرة ورا مرة تدوَّر تنادي:


ألقى فين أنا المَيَّه؟!


وجاها المسيح!!
-----------------------------------------


جاها يقول: لو كنتي عارفة إنتي

مع مين بتتكلمي؟


لو كنتي مشتاقة من جديد


تتولدي وتتعلمي؟


أرويكي من مَيَّه عندي،


لا تقاسي، لا تتألمي!


وظهر المسيح!!
-----------------------------------------



ورواها من مَيِّته الحلوة


من أطهر الينابيع!


راحت تقول للكل، الجار


والصاحبة، والمجاميع!


تعالوا اشربوا مجاناً،

دا يسوع ما بيبيع!


ومَلَك المسيح!!
-----------------------------------------



ودلوقتي واقف ينادي عليك


وانت هناك عطشان!


تعالَ واشرب مَيّتي ترتوي،


دايما في كل أوان!


ينبوع محبة يفيض جواك،


تمتلي بيه الأجران!


م الجنب الجريح!!
-----------------------------------------



اسمع صوته بينادي


وطاوعني ياللا وقوم!


اسرع واطلب مَيّته،


وبسرعة وبلاش نوم!


يزول كل عطشك، وتفرح،


وتنسى كل هموم!

ويَّا المسيح!!
-----------------------------------------
منقول من خادم الرب ابونا مبروك

كليمات رائعه اخى الحبيب ومديرنا جميعا
موضوع جميل والرب يبارك حياتك اخى الحبيب

قصيده جميله بتحمل معانى جميله
الرب يعوض تعب محبتك

مرسى ابو ناردين ومرسى شنودة لمروركم وتشجيعكم لى
ربنا يبارك حياتكم ويكون معاكم ويحفظكم فى اسمة القدوس

رائعة شكرا لك

مرسى اختى الحبيبة لمرورك الى نور الموضوع
والرب معكى ويحفظ حياتك