يوميات بنوتة صغيرة

ماما لقت مريم بنتها راجعه من المدرسه بتقوول ' ياماما انا اتسرقت
النهارده '

ماما : اتسرقت يعني ايه الكلمه دي؟

مرمر: في بنت ف الفصل سرقت
القلم الجديد بتاعي

ماما : ازاي تقولي كده علي حد يا مرمر . مش ممكن تكوني حطاه
ف الكتاب ده ولا ف السسته دي ولا وقع ف الشنطه

مرمر: ياخبر! افتكرت دا انا نسيته
في المقلمه اللي ع المكتب

ماما: شوفتي بقه ازاي تقولي كده علي زميلتك
مرمر:
اصل انا شفتها بتاخد قلم من شنطه بنوته زميلتي

ماما: برده لازم تدور علي حاجتك
كويس ف الاول

وتقول امها : بعد كده فضلت افكر في موضوع السرقه ده بين الاطفال

ولقيت ان من اسبابها :

1- ممكن تكون البنت مش عارفه ان الحاجه دي ملك صاحبتها
لانها اتربت من صغرها ان كل حاجه بتعتنا كلنا فبتخده دون استئذان واحنا ممكن نوجهها
بطريقه عمليه يعني مثلا نأخذ لعبتها اللي بتحبها ونديها لاخوها وده يزعلها ويعرفها
ان اللي ياخد حاجه مش بتاعته ده غلط

2- لو انها بتسرق علشان معندهاش يعني تاخد
حاجه محرومه منها وساعتها بقي ممكن نديها مصروف ثابت يناسب سنها
وظروفها ونفهمها
انها لما تحوش مصروفها ممكن نجيب اللي نفسها فيه لان الحاجه لما تيجي بتعب تكون احسن

3- برده تكون بتسرق نتيجه غضب من اللي حواليها علشان بيعاملوها بقسوه .لان
الطفل مبيسرقش حد يحبه ولذا لازم نحسسها بالحب والحنان وده هيخليها تبطل تسرق ولما
نيجي نفهمها غلطتها وان السرقه وحشه ميكونش قدام الناس علشان منحرجهاش

4- لو ولادنا عملوا حاجات وحشه نعاقبهم نفهم الصح لكن لما يعملوا اي حاجه صح لو بسيطه
لازم نشجعهم وبكده يستمروا وينموا ف الحاجه دي

ربنا يساعد الجميع وينمى فى عقولهم الافكار السليمه ويبعد عنهم السرقه
وربنا معاكى

ميرسى على ردك الرائع

يوميات بنوتة صغيرة 395833

» كل مواضيع نزار قباني
» قصص صغيرة ذات عبر كبيرة (2)
» قصة فلاح وقطة صغيرة
» قصص صغيرة ذات عبرة كبيرة (3)
» قصص صغيرة ذات عبرة كبيرة (1)